THUCHAH HNUHNUNG!

A khi chhaktiang tharsa zuksial lenna
Senvung khamrang chawi vel,
Zotui thiang leh siktui hual vel,
Tanpui mihrang thlafam kai na.
Lenkawl a éng,' valrual tho ru' ti in.
Bawar thianga'n a hril.
Zoram chhan tu mihrang rual te,
chengrang chawi rammu an liam ta.
Auh kir rual loh chhuihthangvala,
Tawn leh ni tur tiam in.
A liam ta maw vang khaw pel in,
Chhailai Lenmawi i lunglen na.!?
Tawn leh ni chuan di nen vangkhaw zau ah.
Kumtluang runrem rel in.
'Kan zoram tan fanau chawiin,
Riahrun kan lum ve taw'ng' a ti.
Mahse, vala'n duhthu a sam sual e.
Tantlang pui thlen ni chuan.
Doral hrang in, hmatiang sawn in.
Hrangrual lengngha iang an dang ta.
Aw zam ngailo, chhuihthangvala,
Ngen hrang kar ah ding in.
Chengrang chawiin, hmatiang sawn in.
Chawnban vawr in sakhming chhal e.
Zoram tan leh itana nun pe in,
Zopui mihrang a fam ta.
Thuchah hnuhnung Hmangaihi hnen ah,
Tihian biahthu a hlan ta a.
"Aw sello se, val lungtawiin,
Hringnun hlimte'n hmang a.
Pialral rammawi alo kaiin, Ka lo hmuak nang e chhuahtlanga'n.
Ka lo nghak nang e runlum pui a'n"..

Tukram chulhnu, 

Thuva awmhar lung di a ko.

A chhang silo, arang ka vaih sei zel e.

Riakmaw valeng iang in kei pawh, 

Thiamgthing zar ka zawng e.

Riang taka awm te hi ka in hmeh zo tawh a. Nuam te pawh hi ka ti zawk mah mah tawh.

Rilruna taka awm te hi ka thiam zo tawh a, tawrh nep dan te pawh ka thiam zo tawh. Mal ngawih ngawiha lo in hre ve te hian ka mal zia min hriatchhuah tir lek fang a. Di zûn ngaia lunglen, auh auh pawh a sawt tawh lo ngaia, hun leh ni chhiar na hringnun chuan mittui a kai chhuak a, biang ah a lo luang thin. Chung nun te chu ka in hmeh zo vek tawh a. Chutiang nun in hmeh tur a, hringnun par vul lai kan chen lai khan, par mawi te pawh alo chuai leh mai thin tih ka lo dawn lo khan heng hringnun te hi min hriat thiam tir zawk hlauh si alo ni a. Lenrual lungduh lenlai chulhnu ngaia lunglen na chuan, hun kal tawh ah min hruai kira, mitthla in kan hlimlai te ka thlir kir a, ka rauthla in ka fang thin. Chu erawh chuan, ka hringnun a ti hausa hlauh si. Nunhluh theuh theuh tun hun a tan hian an hlutna ava in anglo tak em!!

Zingtian lenkawl êng in, zo dai boruak thiangkar ah, i laikhum thlehnem puan sirah hnawl in, tawnmang hnutiang chhawn zai rel tawh la. Sikni êng mawina zungzam in a fan vel zoram lui dung leh tlang tin mai chu thlirla, a mawina chuan i lunglai a dum ngei ang le.

A mawinate an bo zo a, i lung a dum lo a lo nih hloh si chuan, i suangtuahna thla chu zuang chhuak in, ram tin mai chu fang la, engtin nge zofaleng ten, kan ram mawina par kan chhuan tir leh ang tih chu i ngaihtuahna thiang tak hmang chuan fing tak in duhthu han sam la. Chu i duhthusam ram mawina i hmuh chu ti pui tling tur in, i puan ven sawi chhing la, kal siam ve tawh khai. Chul mailo a kan awih nan zoram par hi a par amawi zual zel nan. Chutin hringnun pawh a mawi thin e

THÏHÑÅ TÜR

Thuilo te in. Ti hian ka ngaihtuah pek a lawm le. Nung tur in nu chhul a tang in kan lo piang a. Kan dam hun chhung reilo te chu hmang tur in khawvel ah kan lo chuang kaia. Mahse, thi leh mai tur kan ni si. Eng thil vang emaw tal chuan kan la thi leh theuh dawn si a.

Tak tak chuan, a then natna chi hrang hrang vang te in. Athen accident vang te in. A then chu tur te an in ag. Then chuan damna dawi thil nge pawh an thih pui mek a ni. Engber chunge 'THIHNA TUR' chu ni ta ang le?

Engdang ani law! 'NUNNA' hi 'THIHNA TUR' ngei chu a lo ni a lawm le.! Nung lo hi thi tur reng reng zuk han awm miah lo a.! I nunna ngei kha i thihna tur a lo nih chu. Haha.

DÂWN VË TÊH Û; RÛÄL DÙH TÉ U

RAMTUK THLA
NI 8/2013
RCA RILRU LUAH TU:!!!!
Ka zing thawh hlim a tang
in ti hian ka ngaihtuah
mai2 a.
Class xii zirlai xam hmabak
mai ka ni a. Kan mizo zirlai
bu a, Zikpuii pa in a thu
ziah 'zirlaite hnena thu
chah' ka chhiar, ka
ngaihtuahna a kal thui
khawp mai.
Kan zoram nuam tak mai
chu, hmanata tawh, a mi
cheng ten, ram nuam ti a
hahipa an lo sawi vul chuk
thin chu, tuna a ram ruang
ka han thlir ta a. Kan ram
kan kaih hruai dan te,
kan en kawl dante, kan
hmangaihve dan tur te ka
han ngaihtuah a. Kan ram
tia kam chhuak kan neih ve
nana, tha leh zung, nunna
leh an thisen hlutak lo chan
tawh te, min thlahtu, kan
pi leh pu te khan min lo
hmu ta se, an lung hi a awi
thei a ngem? Kan ram chu
eirukna te, hlemhletna,
dawngdahna, kuttlinglo a
sum lak lunna te, a atam
mai. Chungte chuan min
run a. Bu an khuan tan mek
kan ti dawn nge, hmunlaili
ah a buzawl nuam tak tak
an luah tawh zawk ni?
Ramhruaitu ten, chungte
chu tih reh tum in an beia,
hma an la thin a ni lawm
ni? Eng vang in nge an
thawh rah kan hmuh loh?
Zawhna tam tak a awm
ang. A tih kian tuma beitu
te chu, a chunga kan sawi
tak THIL THALO i ti mai ag,
khingte khian anlo man ta
si thin. An sakruang chu, an
zun ngilneihna neilo tak
mai chuan a phuar vel ta a.
An thisen zungzam, chia
leh tha hriatna chen in a
luhchilh ta. Engtin nge an
ni chu kan ngaihdan? Kan
dem mai em? Ti hian in
sawi teh ang. Kan mihring
nunkhua
nawmna,hlawhtlinna te
chu, ram
tana hna thatak leh
rinawm taka kan thawh na
phena kan hmuh tur a nih
mai hi ka ring a. Mahse,
kan/an lo hmakhalh thim
ta leh kan/an lo duh am
thin ta hi a pawi ta chu a
ni.
KA LUANG LIAM TLAT, ka
sawi belh zel. Chutihlai
mek chuan, nakin lawka
kan ZORAM hruaitu tur
thalai, ka thalai pui te
dinhmun ka han thlir leh ta
a. Kei ngei pawh hi ka bang
bik em aw ka hreh chiah lo.
Zep nak emaw, Thalai te
chu ruihhlo in min run mek
a. Zirna kawnga kan intlan
siak mup mup lai hian, a
thlengsang fal ho pawh, an
bang kan ring ngam dawn
em.? Kan ningkhawng, kan
chevel ngaur chuai leh
zawiruai chung hian,
engtin nge kan nu leh pa,
pi leh pu ten kan ram an lo
kaih hruai dan, kan
duhkhawp loh tak hi, kai
hruai tur in kan
hmachhawn ngam dawn
em ni?
Harh a hun tak meuh2 a.
Tuna kan ram kaihruaitu
ten ram an enkawl dan a
kan ngaihdan ah, lung kan
ti awilo a nih ngai chuan,
an chhuan te din hmun chu
heti hi kan ni mai si a.
Keini tal hian hma kan lak
a, kan ram mangang a au
rawl in mi kaih harh zawh
loh chuan. Kan ram ruang
chhetawh tak, kan chuan lo
la awm tur ten an lo
rochun tur chu an lainat
awm in ti ve lo maw? Nge
chutinilo a kan hun
neihchhun kan chen e kan
ti kumhlun dawn'? Chu tia
kan tih chuan KAN
THLAHTU TE LUNGTI AWILO
IN, AN ANCHHIA DAWNG IN,
SIAMTU LUNGTI AWILO in
Hremna kan hmachhawn
dawn?
CHUTI'N I TI LUL LO ANG U....
KAN HUN LEH NI HMAN
CHHUNG NGEI HIAN RAM
HMEL KAN HER DANGLAM
DAWN LAWM NI? 

IKIANGA AH CHUAN LUNG A DAM A SIN

Hmangaihna vang a dawn tawi luat na hian, thil tih awm lo pui pui min tih tir thin. Beidawnna ata beiseina min siam tu, ka hmangaihna chang tu chu tu pawh nise, neih ka duh tlat thin na avanga in, harsa in khirh viau dawn mahse, hmangaihna par, kan tawn ah a vul ve theih nan nunhlui hnutiang chhawn zai ka rel ta si. 

A ni asin, ka sawi ang khan'' nanglo chu a ni ai awh zo tur kha an awm lo'' ka tih kha. nanglo chuan hlimna te hi an hlu tawh dawn si lo. nanglo chuan hmangaihna pawh ka nun ah a thar leh tawh dawn silo.. I hmel mawi tak ka hmuh a k hlim na te chu i hmel mawi tak kara i nui mawi tak mai te chuan an ti zual a. Min haw hauh nsilo a, min be tha duhlo tlat te khan ka ngainatna che a ti zual zawk si thin. I aw ngaihnobei tak chuan ka thinlung chhungril ber thleng in keimah ah hian, fan loh lai reng anei lo. Chu aw ngaihnobei tak mai chuan'' I hmeltha eee'' min han tia, derna anka mai pawh lo ni se ka tan chuan pialral ani hlauh si. mahse derna anka mai va ni suh, tih tak zet a min thlira i chhingmit mawi tak leh min ngai ngawih ngawih hmel ka hmuh khan, tah chuan ni ka lawm na a famkim in , i thu ka rinhleh loh thin ni.

Ka nun ah hian hmangaihna ka beisei leh a, chu hmangaihna chu nagnena apar zu tlan dun a nunhlui ngailo te a len  dun ka nuam asin. Hmana hmangaihn par ang nilo, hmangaihna chu par tir tur in a bul lam chu uluk tak in kan enkawl anga. Lo thanglian zel in, alo par ang, apar te chu mawi bik em em chang nei in, chung par mawi tak te pawh chuan uai hun an nei leh thin anga. Mahse, a kung lam chu Rinawmna leh dawhtheihna, hmangaihna tuihna kangchat ngailo chuan chawm in, chu chuan kumkhua in hmangaihna par chu athar in a vul tir tawh dawn si a. Chu hmangaihna par ngei chu nang nen hian tlan ila, nunhlui ngaih ban zai ka rel ve nan.

Min hria a, min hrechiang a, itan aharsa ang tih pawh ka hria. ka duh luat vang che hian ngen tluk che ka tum lo a. Ka hria e, i hlau tih ka hria kan kawng zawh tur hi. Mate, lungphang lo la i kutah chelh in hasatna te chu ka hmachhawn anga ka hnung ah thlamuang in ilo kal dawn nia. kei chuan, nunhlui vang in mualpho ka hlau tawh lo a, ka nunhlui hriase tia ka hlauh bert nang  lah chu a hrechiang tu ber ni in, min hrethiam tu ber i ni hlauh si. Min khawngaih in min lainat a, min ngaihdamna te chuan i kianga awm nawm ka tih phah a. Ikiang a ka awm tam luat nge ka thinlung luah tu i nih tak si hi. Ka hmangaihna anka hi nangmah ni lam ah hian sawi atul leh tlat si hi mak ka tia. Amaherawhchu, khuanu hian tiang tur hian min lo duang ania nge. 

Hlunlo tur hmangaihna par tlan leh chu k azuam tawh lo a. Mase, hlunlo tur pawh ni se, nang leh nang mahni lam ah erawh chuan chu hmangaihna par chu mawi ka ti tlat si thin. Chu par a lo chuai leh thin chuan ka nun khawhar ah siam in. Hmangaihna par tlan leha mawi tawh lo in ka nun chu a beidawng thin. Tunah erawh chuan, hmangaihna par tlan leh a mawi tawh lo kha mate nang in beiseina mi siam a. min ti riang tawh lul lo ang che. Nang lo chu an awm tawh silo. Nanglo chuan hlimzai reng ka rel thei si lo......

KA LUNGKHAM

Yes,, Zintian kawl eng leh, turni mawina zungzam leh zoram mawina leh a timawi tu tiau chhum nen. Chu mi lawm a leilung zai mi chungleng murva lenlai chena leng der der nen. Zing dai fim leh raltiang ram romei kailo te a hring nghial nen. Lung ava dam thin em zing boruak thiang kar ah hian. Ka sakruang daia piallei a a zal hun tur ka dawn in, Pialral lam tluang zawh in, kan ZORAM nuam ah, pialral iang in siang lawi leh ila. Tah chuan, ka lungkham ram, Tudang ngailo a rualduh te nen tual kan chaina kan vangkhua leh lam tluang te ngaite a ding si in. Lenlai chhul hnu din thar leh in, zai vawr in lenlai awih zai rel leh ila. Pialral lungkham lo in Damlai pialral hung chhuak i la. Churam ah chuan,' Kawl alo ên in, nungtin reng ten malsawm na kan chan tawh chu, a hai chhuah zai rel in. Leilung hlutna hria a duat te a en kawl in, kan tan Pialral iang in a mawi si zia hria in len lai chen tawh zawk ila. Amileng te duhthu an sam ram chatuanram, ni tlak tawh ngai loh na chu lungkham lo ila. Kan Damlai chu Pialral vangkhua ah hung chhuak in. Zing tian kawl eng ringawt pawh in lungkham a phu zia hria in, chu kan lung kham ram ah erawh chuan, chatuan in, ahun te ah ni chhuak in, nung tin reng lawm in an zai ang. Leilung tan hna thawk in, asiamtu duh dan in leilung en kawl hna chhun ni ah thawk za in, ahun te ah thlang a'n turni kawlkung aliam anga, tlaitla lenkawl eng chuan hahchhawlh nan hun tha a her chhuak dawn tih min hrilh in. Zantiang siar te a hun te ah an lo in lar leh anga. Siar chawngmawii pawh in a di val hrangchhuan then mahse, tawn leh chamg ni a nei ang hian, leihringnun a in then ni te chu lung ngaih pui mai lo ila. Kan lawm lai chhawrhloh thlapui lo chhuak chu, he leilung a awm ni mah suh in, leilung ti mawi a'n van zawl lal nu a chang si thin. Chung hun te chuan khawvel mawi hi an ti hlu a. KA TAN Pialral an hungchhuak thin.

Lei mawina, thinlai tihlim tu, zantiang chhawrhthla leh siar eng mawi, zing eng mawi leh tlaitla eng mawi te, damlai khuavel nun khua ti nuam a'n an lo vul hi ka tan chuan chatuana nitlak tawh ngailoh na ai chuan Ka thlang a, Ka tan PIALRAL a ni. Chu ngei chu ka lungkham ram ani si a.

CHHUN KHAWHARTHLAK BIK

Chhun khawhar thlak bik ah kan rûn riang te nghak in, ka hawi vel a, raltiang ram, romei kai chiai leh chungmu lên thiam ditawnglo a leng vel nen. Lunglen a kaitho e, chhemdam thlifim ten min thawi a. Suihlung len bang hian a mawi dawn nemw? Aw turni, liamla kâwlkung ah. Di tawng lo a ka tahna chhunni liam pui la. Tûângtuah vul lai partlan, sirva lungrûal lai ianga len lai parang vul lai ni, her chhuah pui vela a riang täwn ah. Di tawnglo a ka tahna mittui hul in, Nunhlui ngaih ban zai ka rel tur a!!

A ngûr nun ngailo a kan lenlai, parang chulhnu kha. Mitthla an a cham riai e tawnmang an chang ta si. Lâm ang lo let leh la ka di duhlai lungrun, duh ten tangah pawm in, thenloh biahthu di min hlan rawh.

Mahse, maw! Duhthu leng sam mai an a thamral si. Ariang chantawk, i hlimthla mai leh, i thaikawi bawngte palai leng hi. Duhten tangah pawm vawng vang in. Khal zel nang e tuantul dawn lo hian.;-(;-(;-(

                                           ZORAM NAKTUK

              Hunte chu herliam zel in, chhak atang zofate chu thlang lo tla in hnam lian zawk leh chak zawk chimral hlau reng reng in thlang tlak kha an hman hleh kha a ni a. Khuanun kan hnam tana alo ruat zoram hi min hruai thleng ta a. Chu ram tlang tin mai chu zofa hnam tin mai ten chuan in awm hmun kan bengbela. Ram neitu nihna nei in zofa ten kan luah chin ram chu ramfa nihna rilru pu in zoram chu kan enkawla. Mizo nunmawi dai ngai tawh lo tur, ‘Tlawmngaihna’ chuan zonun a chawisang a. Zonun ati mawi thin. Aia upa zahna  te chuan zonun hlutna apho chhuaka. A ram leilung hausakna a kan eitur thar te chuan kan in nghangfaka. A ram luitui leh zotuithiang te chuan, kan chhawl hal kan thawi dam a. A ram tlang te chuan hmun nuam tak vek anh min chen tir a. Zodai thlifim leng in dam ten min thawi in, kan hah thlan te min chem daih sah thin. A ram sik leh sa tin te chuan an hunbi hailo te in an hun alo thklen in aram mamawh boruak ruahtui leh leilung mawina te achhun azan in min hluia. Zofate chu chu ram ah chuan6zofa hnam tin mai ten chuan in awm hmun kan bengbela. Ram neitu nihna nei in zofa ten kan luah chin ram chu ramfa nihna rilru pu in zoram chu kan enkawla. Mizo nunmawi dai ngai tawh lo tur, ‘Tlawmngaihna’ chuan zonun a chawisang a. Zonun ati mawi thin. Aia upa zahna  te chuan zonun hlutna apho chhuaka. A ram leilung hausakna a kan eitur thar te chuan kan in nghangfaka. A ram luitui leh zotuithiang te chuan, kan chhawl hal kan thawi dam a. A ram tlang te chuan hmun nuam tak vek anh min chen tir a. Zodai thlifim leng in dam ten min thawi in, kan hah thlan te min chem daih sah thin. A ram sik leh sa tin te chuan an hunbi hailo te in an hun alo thklen in aram mamawh boruak ruahtui leh leilung mawina te achhun azan in min hluia. Zofate chu chu ram ah chuan kan lung lawm akim in kan lung adam a. Zai in kan chawi sang a.  Zoram leh zoram mawina chu zaia awi in, zai kan sa lawm lawm anih thin hi maw!